सहिदको सम्मान गर्दै सुकदेव चौकमा सरसफाई।

तराई दैनिक// देश र जनताको अधिकारका निम्ति जीवन आहूति गर्ने सहिदप्रति सम्मान गर्दै आज रौतहटको सुकदेव चौकमा हरेन्द्र राय यादवको अध्यक्षतामा हिमालयन पब्लिक स्कूलका विधार्थी र स्थानीय प्रहरी द्वारा सरसफाई अभियान सम्पन्न भएको छ।

सो अभियानमा राम ईश्वर राय , प्रहरी सहायक निरिक्षक नरेश प्रसाद यादव, डा.मधुरेन्द्र राय यादव लक्ष्मी नरायण साहको उपास्तिति रहेको थियो।

नेपाली जनतालाई सार्वभौमसत्ता सम्पन्न नागरिक बनाउन जहानियाँ राणा शासन, निरंकुश पञ्चायती व्यवस्था तथा तानाशाही राजतन्त्रविरुद्ध प्रजातान्त्रिक क्रान्ति एवं लोकतान्त्रिक जनआन्दोलनहरूमा आफ्नो जीवनको बलिदान गरेका वीर सपूतहरूको सम्झनामा प्रत्येक वर्ष सहिद दिवस मनाइँदै आएको छ ।

निरङ्कुश जहानियाँ राणा शासनविरूद्ध आफ्नो ज्यानको बलिदान गरेका वीर सहिदको स्मरणमा माघ १० देखि १६ गतेसम्म ‘सहिद सप्ताह’ मनाइँदै आएको छ । वीर सहिदहरू शुक्रराज शास्त्री, धर्मभक्त माथेमा, दशरथ चन्द र गंगालाल श्रेष्ठको संघर्षमय जीवन र बलिदानको गाथा र प्रजातान्त्रिक आन्दोलनका अरू योद्धाहरूको योगदानमा सहिद दिवस मनाइएको हो । 

वि।सं। १९९७ माघ १० गते निरंकुश राणा शासनविरुद्धमा नेपाल प्रजापरिषद् स्थापना गरी जनतालाई आफ्नो हक र अधिकारका लागि क्रान्ति गर्न प्रेरित गर्ने शुक्रराजलाई टेकुस्थित खरीको रूखमा झुन्डयाएर हत्या गरिएको थियो ।

यस्तै, सोही वर्ष माघ १३ गते सिफलमा धर्मभक्तलाई झुन्ड्याइएको थियो भने माघ १५ गते दशरथ चन्द र गंगालाललाई शोभा भगवतीमा गोली हानी हत्या गरिएको थियो । सहिद दिवसको अवसरमा आज सहिद पार्क लैनचौरमा विशेष समारोह आयोजना गरिंदैछ ।

Leave a Reply

Your email address will not be published. Required fields are marked *

सम्बन्धित खबर

Welcome Back!

Login to your account below

Create New Account!

Fill the forms bellow to register

Retrieve your password

Please enter your username or email address to reset your password.

Add New Playlist